DAGITI SONATA KEN KAPAMPANUNOTAN

Agatsinuso - Ilocano Song by Eugene Tunac Marquez

2011-12-31T19:56:00.000-08:00

Wayawaya

2011-12-31T10:01:00.000-08:00

Gapu iti facebook By: Noraline Domingo (ILocano song with lyrics)

2011-12-18T03:46:00.001-08:00

Baliwanta a Patuboen duet by Vhen Bautista & Noraline Domingo (ILocano s...

2011-12-18T03:46:00.000-08:00

BEINTE MINUTOS PAY (ILOCANO SONG w/LYRICS)

2011-11-18T18:33:00.000-08:00

BIAGKO, MAMATIKA (ILOCANO SONG w/LYRICS)

2011-11-15T21:19:00.000-08:00

Ilocano Medley - Patikim Lang (Alex Barut)

2011-10-23T08:09:00.000-07:00

Sika Latta By: Noraline Domingo (ILocano Song w/ Lyrics)

2011-10-23T07:36:00.000-07:00

Long Distance Nga Ayat By Vhen Bautista

2011-10-21T14:49:00.000-07:00

DAGITI KARI(ILOCANO MV)BY;VHEN BAUTISTA

2011-09-29T16:33:00.001-07:00

DAGITI KARI(ILOCANO MV)BY;VHEN BAUTISTA

2011-09-29T16:33:00.000-07:00

I started a joke

2011-09-11T09:23:00.000-07:00

ILIW A DI AGSARDAY (ILOCANO SONG w/LYRICS)

2011-08-23T15:07:00.000-07:00

Mangisursuro sung by Vhen Bautista

2011-08-05T09:23:00.000-07:00

R O S E L I E (Ilocano Love Song with LYRICS)

2011-08-05T08:13:00.000-07:00

Arak

2011-07-31T08:20:00.000-07:00

O Ayat (Alexander Barut)

2011-07-16T17:33:00.000-07:00

IKUTAM TOY PUSOK..NORALINE DOMINGO

2011-07-10T18:37:00.000-07:00

FOR YOU (ORIGINAL SONG)

2011-07-10T12:29:00.000-07:00

(THE WEDDING) "PANAGKALLAYSA" - Ilocano Waltz Song by PETER TABANGCURA

2011-07-01T06:31:00.000-07:00

Dayta't gungunam a katugangan! (Sarsarita: Alex Barut)

2011-06-28T04:53:00.000-07:00

(ITI DI MABAYAG, AR-ARASAAS METTEN TI MANGMANGEGMI ITI KAABAYMI A KUARTO. IDI AGANGAY, AGRANITRIT METTEN TI KAMA ITI AYAN DA MANNY KEN LANIE. KASLA KANTA NGA ADDA RITMO, TEMPO, NANGATO KEN NABABA A TONO. NO DADDUMA ADDA DI MAIGAWID, MAIP-IPIT NGA ANANGSAB, NAUNEG NGA ANGES KEN MATIPTIPED A WANAGWAG! ITI DI MABAYAG, NANGEGMIN TI AGKAKAMAKAM NGA ANGES A KAS MAN LA AGEN-ENSAYO A MAKILUMBA ITI 100-M DASH PARA ITI OLYMPICS!)

Damok pay la idi ti mapan agpasyar kenni Diana ket nakaad-adun ti request ni katugangak a babai. Abus man pay ta lumalamot ken gamrud, arabas pay! Ayna apo ta no koma la diak agar-arem idi ken baketko ket matibabko. Bungangera pay ngamin! Ken ne, numero uno a biangot aginggana ita! No koma la mabalin nga ikugtarko! Ayna pasubsobak la koma! Mabainak la ngamin ken katugangak a lalaki ta agsupadida iti ugali!

"Ana ti intugotmo a makan, barok? Mumalem ngaminen ket diak pay nagmeryenda. Uray koma met la pandesal a. Wenno mangtedka lattan ti igatang dita ta mangbaonak lattan ti mapan dita tiangge ni Ka Ikang. Dayta lang a ta nangina bassit ti lakona!"

Kinarawak ti bulsak. Ne ket tay met la pagpletek sa daytoy nabatin. Pordios! Agbasbasaak pay la ngamin idi ket awan met ti adu a kuartak! Tapno maka-first base-ak, inkidemkon a tay P50.00. Ana pay no di nagnagnaak a nagawid! Ayna letsem a baket, diak pay naikamang, namaysaannakon! Nagkakamakam ti tanabutobko.

Kanayon a kasdiay ti ar-aramiden ni katugangak no kasta a mapanak agpasyar. Idi la ngarud ta napasungbatko ni Diana, ad-addan nga ad-adu ti dawatenna. Rabakem ta ibagana pay a mangitugotak kadagitay bunga ti karabasa, tarong, kamatis, parya, sili (kumpleto a para pakbet). Dinamagna pay no adu ti tarakenmi a manok a native ket adda kunak a ket dimmawat pay! Pati panagikarkarison ni tatangko ti kayo nadakamatna ta uray ket bayadanna kano met. Inbagak ken tatang ke na-tenkyu a diay sangakarison a kayo.

Gapu ta madlawko nga abusoen la unay ni katugangak dayta nga aramidna, nagkiddawak met.

"Mabalin nga awisek toy balasangyo ‘diay balay? Ag-birthday ngamin ni adingko ket kayatko met isuna nga imbitaran. Adda paskenmi nga agrabrabii. Maturog to idiay balayen!"

"Mabalin latta, barok ngem sumurot daytoy adingna! Ammok aya no ana ti aramidem ita anakko! Danny, barok, inkanto kuyogen ni manangmo ta mapan kano makibirtdey. Agawidkayto met la a masapa ton bigat."

"Diak kayat, adda met papanko pakibirthdey-an, tay bestfriendko!"

"Saan ngarud a mabalin nga umay. Diak kayat!"

"Alan a nana uray ta umay met da Manny ken Lanie, ken dagitay dadduma a gagayyemmi. (Da Manny ken Lanie ket aggayyem da met. Isuda met ti paborito ni katugangak a friends ni Diana). Maturogda met diay balay!"

"Ala wen, basta umay da Manny ken Lanie! Laglagipem, barok, nadalus a palubosak ta anakko, ket dapat a nadalus met la nga agsubli!"

"Apo met ni nana, siak to pay. Ammok nga ilalaen ta anakyo. Dikayo madanagan."

Immay ngarud ni Diana diay balay. Alas 8:00 pay lang iti rabii, nalpasen ti pa-birthday! Nagbati met nga agpayso da Manny ken Lanie idiay balay! Gapu ta dua ti kuarto diay balaymi idiay ngato, isu ti nagturoganmi. Dua kami ken Manny idiay maysa a kuarto ket dua met da Diana ken Lanie idiay bangir a kuarto. Idiay baba met ti ayan ti pamilyak.

Adu nga istorya ti inobrami. Saankami a makaturog. Kinuna ni Manny nga agurayak biit ta adda ibagana ken Lanie. Iti di mabayag, immay ni Diana iti kuartok. Nagkaidda met da Manny ken Lanie idiay bangir a kuarto.

Kasla diak ammo ti ibagak idi ta umay makikaidda ni Diana kaniak. Kasla mabainak. Madlawko, kasla mabain met ni Diana. Nagsarsaritakami iti medyo nabayag. Napagsarsaritaanmi maipanggep ti panagraduarmi iti kolehiyo ta maysa la a bulanen ket agraduarkamin nga agpada.

Iti di mabayag, ar-arasaas metten ti mangmangegmi iti kaabaymi a kuarto. Idi agangay, agranitrit metten ti kama iti ayan da Manny ken Lanie. Kasla kanta nga adda tempo, ritmo, nangato ken nababa a tonona ti mangmangegmi. No dadduma, adda napigsa di maigawid nga anangsab, nauneg nga anges ken kasla matiptiped a wanagwag! Iti di mabayag, nangegmi ti agkakamakam nga anges a kas man la makilumlumba iti 100-m dash!

Alusiisennak metten. Kuti met a kuti ni Diana. Diak metten maigawid ti riknak. Mabainak koma ngem kas met la diakon kabaelan ti adda a maririknak! Awan sinsarita, nagkarayam dagiti imak. Nariknak met nga awan ti panagkedked ni Diana. Nagranitrit met ti katre! Napaikkis ni Diana! Naspak ti rayaraya! Naabrotkon! Naabrotkon! Inabakkon ni katugangak! Diak ammo no namin-ano idi a naulit ti napasamak ta tunggal agranitrit ti kama da Manny ken Lanie, ikumpasmi met ken Diana. Napintas la unay ti panagdanggay dagiti ritmo ti ranitrit!

Kabigatanna, napankon intulod ni Diana. Diak idi maiperreng dagiti matak kenni katugangak. Agnernerbiosak.

"Sumrekka a barok. Ana ti intugotmo?"

"A-e kua nana, a-awan."

"Ne ket awan la nabatbati diay birthdaymon? Uray koma met la kukod a wenno lalat!"

"Ton maminsan, nana."

"Ton maminsan?. Laglagipem dayta. Isuratko ditoy kalendaryo! Ala sumrekka ngaruden! Agpagatangka ngarud uray biskuit ditan a!"

Ayna apo aya. No koma la mabalin a pasubsobak daytoy a baket! Ngem ala, agan-anusak pay laeng. Uray ta nasubbotko met idi rabiin!

Napalabas ti makabulan, kuna ni Diana a saan kano metten a madatngan!

Nagdanagak ta sigurado kano a malmaloen ni nanangna no maammuanna ti pudno.

Nagtulaganmi ngarud nga agkasarkamin iti mabiit. Awan babawik iti napasamak, ngem ni Diana kasta unay ti danagna! Kasano ngaruden ket adu met ngarud ti dawdawaten ti babai-an no kasta a mangul-uli ti lalakian! Awan met la ngarud ti uray ni singko a naiduldulinmi ta pinagbasak ngarud!

Nupay mabutengak koma a mangipudno kada tatang, awan ti pagpiliak. Ana pay, napankamin nangalualod a kunada ta San Nicolasen a!

"Mano met a kadisso ti maikarim barok? Mano met ti iggemmo ita a kuarta? Adda karisonmo? Dagitay alahas? Para trahe-de-boda? Bado ti abay?"

" Awan a nana ta ammoyo met a karadraduarmi iti kolehiyo."

"No awan dagita ket awan ngarud kasar a mapasamak!"

"No isu't kunayo a ket awan mabalinmi!"

"Awan laengen? Uray ana? Ne ket kasla dawatem met latta ta anakmin?"

"Awan a talaga, nana."

"Agawidkayo ngaruden! Litsi! umaykayo mangas-asawa nga ima-ima? Ana ngarud to ti ipakanmo ita anakko? Ta duggongmo?"

Nagsangit ni Diana. Dina pay siguro inpudno a masikog isuna. Naasianak. Siniimmi met ti panawen. Kadandanonmi payla idiay balaymi, adda metten a simmaruno da katugangak. Kasla agkukurrot a manok ti langa ni katugangak a babai. Isuda met ti umay mangas-asawan. Ikamatda ta anakdan. Uray kano hues lattan. Uray kano awan padayan. Ti nasken ket agkasarkami kanon. Nabaliktad ti pasamak!

Napasamak ti kasar iti hues. Ti pagdaksanna, idiay balayda katugangak ti kayatda a pagyananmi iti umuna a bulan. Ala wen kunak lattan a!

Damo a rabii. Nagiddakami iti kuartoda katugangak. Immakarda ti kuarto ta napinpintas kano la bassit daytoy kuartoda a pagiddaanmi tapno awan kano ti makunkunak. Naulimek ti aglawlaw. Dagiti laeng dandani di mangeg nga arasaas ken maip-ipit nga areng-eng ti adda! Kasano a di maip-ipit ti areng-eng ket kaabaymi ta kuarto ni katugangak! Plywood la ti baetna. Kurtina la ti rikep ta ridaw ti kuarto! Ayna apo. Diak maiconcentrate! Diak maipeksa! Diak pay maipigsa! Nakalinlinay a panagragsak!

Addakam ngatan iti katengngaan ti biahe idi aguni ni katugangak!

"Annakko, alaek man la tay arinola dita a ket diak met naiyakar itayen. Ala no nakaturogkayon, umayko latta alaenen! "

"Ayna! Sinalbag a baket!" Indayamudomko iti unegko. Ana pay no di kasla kan pay idi matmaturogkamin uray saan. Kinapudnona ket awan a pulos ti pagan-anaymi iti dayta a gundaway!

Simrek ngarud ni katugangak. Nagdayamudom. "Apaunay ket dagitoy nga ubbingen ta dida pay ammo nga iplastar ta ulesda ket naglamiis. Lamiisen dagita dapanda a numona ket dida pay nagpajama! Di ngata aya ammo daytoy manugangko a lalamiisen toy balasangko."

Ammok a lalamiisen ni baketko ken kanayon a nakapajama no maturog. Isu kano ti nairuam kenkuana. Ngem nakapajama koma ngarud ita ket kaapura ti panaglangoymi. Di pay ket marigatanen a sumunson a mangsuba iti napigsa nga agos nakapajama. Ngem ne madanaganak amangan ta guyuden ni katugangak ti ules ket iplastarna. Ket husto ti nagpingki iti panunotko. Addaytan ti ima ni katugangak. Iniggamannan ti murdong ti ules. Guyodennan! Ginuyodnan! Daytan! Lining-etak a nalamiis ti tiempo! Ayna nagbainen! Nagbainen Apo! Naimbag laengen ta naigawidko ti ules. Naibaba laeng agingga iti siketko! Naigawidko! Dandanin nalukaisan ti nakatudo a palimedko!

Nagdayamudom manen ni katugangak. "Dikay met ngamin agun-uni ita. Ammok ngarud a siririing kayo! Ammok ngarud a kua.....Litsi. Sarsardam pay la ngamin! Dikay ket la makauray a makaturog datao sakay agkua....Basta awan nakitak!"

Kadagita a gundaway, naganninek iti panunotko di planomi a mapan ag-honeymoon diay Baguio. Bulodenmi tay van tay mistro nga uliteg ni baketko. Napintas ti dalan manipud Ilocos Norte agingga iti katengngaan ti puon ti sang-atan nga agpa-Baguio. Iti sang-atan adda dagiti paset ti dalan a nagreggaay ket saan pay a naikkat amin dagiti daga ken pitak. Nupay kasta, mabalin met latta nga ituloy ti biahe. Ngem ne kumanalpaak ti pilaw a madalanan dagiti pilid. Agwarasiwis pay dagiti pitak. Pasaray mailumlom ti ligay ket narigat nga makarukuas ta sumurot met ti napigket a daga no kasta nga ibuslonko ti gasolina. Iti likud, adda met ni katugangak a kasta unay ti tanabutobna. Tunggal aglippaak ti ligay, apputenna dagiti lapayagna. Kasla kano mapleng a dina maawatan ti uni a parnuayen ti panaglippak ken pannakasulnot ti mailumlom a ligay! Nakamurareg pay ta kasla kano dina kayat a makita ti napitak a dalan. Nagtultuloy latta ti adayo a panunotko.

Naisikil ni baketko ti rusokko ket bigla a nalagipko nga addaak gayam iti pudpudno a biahe a diak pay nalpas. Intuloymi ngarud ti naputed a pudpudno a biahe. Ngem nasidap nga adda tultulengna dagiti lapayag ni katugangak. Ammok lattan nga inngatona ti ulona, inpidegna dagiti lapayagna iti plywood a division ti nagbaetan ti kuartomi. Malagipna ngata met a idi kaal-alseman ken kagatgatelanna pay lang!

"Ne, ania aya dayta kankanenyo annakko? Nagimas siguro ta sumanapsap kay pay. Agpadawat kayo man met...," inyumbi ni katugangak.

"Tupig ken baduya nanang, ngem awanen," insungbat ni baketko.

Iti saan a nagbayag ket naungpot met laengen ti pudno a biahe. Bigla a nasukto ti kambio. 'Plok', natinggaw ti pannakasuktona.

"Ne, adda pay inumenyo a Pipsi.' Diyo pay ammo nga in-inayaden a lukatan, litsi." indayamudom ni katugangak.

MAYSA nga aldaw,inbaga ni katugangak a mapanda aglaba dita amianan ti ili ti San Nicolas ta nagadu ti naurnong a murengda karaman dagitay badomi. Nairana nga agsikkil tay siket ni katugangak a lalaki. Kapilitan a siak ti nagdrive tay karag-karag a tricycle. Inbaga ni katugangak a tulongak kano nga agigelgel ngem ditana. Inpambarko nga innak agpasada tapno adda igatangko ti merienda ken pangaldawna. Subliak to lattan inton namnamaek a malpasna ti aglaba. Gapu ta mayat ti annayas ti pasada, diak napupuotan a tallo oras gayamen ti napalabas!

Ag-ala una idin ta innak yawid ni katugangak! Sumungsungadak pay kasta unay a tanabutobnan! "Apaunay ti bayagmon! Patayem met datao ti bisin! Adda ginatangmo a makan dita?"

"Awan, nana. Naenjoyak met ti nagpasadan ta adu ngamin ti pasaheros." Gapu iti ganganatko, nalipatak metten ti gimmatang ti meryenda ni katugangak. Diak met malagip itayen a nabisinan isuna ta diak met mabisin gapu ta napanak met nagkaldo ti karne’t kalding ken nanganak pay ti innapuy ta nagimas pay ngamin tay pinapaitan! Nagburkirad ketdi a husto toy pusegko!

Iti dalanmi nga agawid, tanabutob a tanabutob ni katugangak. Gapu ta masuronak ingulpik a pinataray tay tricycle sako inpreno ta adda met agob-overtake a bus a masabatmi. Kasta unay ti riyaw ni katugangak ta nagdugol diay mugingna a naitibab iti sarming ti tricycle! Rabakem ta kasla napan nakirinnupak diay MGM ta Las Vegas ti kamuor diay mugingna! Medyo nagduling pay ket ti kitanan. Maysa pay, naiburais pay dagiti linabaanna!

Inagawaanna a pinidut dagitay naiwara a linabaanna a kabulon ti adu a sao-sao.

"Agsublita diay karayan ta inta met la balnawan dagiti linabaan. Apaunay ka ketdin. Tarantado ka la unay nga agmanmaneho. Kayatnak sa met ngamin a patayen. Ayna uray kastoyak a sao-sao ket adu pay la ti maaramidko. Apay ti kunam didakto kasapulan no aganak ta asawam!"

Awan sinsao-sinsarita. Nagsublikami diay karayan. Timmulongak a nagigelgel. Idi malpas agawidkam koman ngem adda nakita ni katugangak a pajama a nakadisso iti igid ti karayan. Kabarbaro pay laeng. Pinidutna.

"Ne apay nga alaenyo dayta nana ket baka agsubli diay akinkukua?"

"Apay koma ket a diak alaenen ket ne nagpintas. Kabarbaro pay. No ngay adda makakita a sabalin di pay ket isu ti agbuenasen! Kukuak daytoyen napia la sukat ti bannog ken bisinko a nagsubli ditoy. Talaga a para kaniak daytoy!"

Karabiyanna, nakitak metten a suot-suot ni katugangak tay pajama. Napintas met nga agpayso. Bagayna!

Kabigatanna, makitak a kasta unay ti kanuskos ni katugangak iti luppo, gurong, patong karaman sa pay ket ti sellangnan! Sumaruno a bigat, ne ket nagadu met ti nagtubo a budo-budonan. Ne ket agtitimbukel metten! Ana daytan? KURAD?!!!!!!!!!!!! Ayna apo, mangaasika! Ay maariekak ken katugangakon. Agawidak la ketdi diay balaymin! Yawidko ni baketkon. Apay koma ketdi a diak agawiden ket no ngarud met mairaman ta sellangko nga agkuraden!

Napalabas ti dua a tawen,adda manen sabali a naaramid ni katugangak kaniak! Nasurok metten a maysa ti tawen ni Juniorko! Kaalikutegna. Paggugustona tay ay-ayam a kabkabalio. Ta uray no kasta unay ti bannogko no sumangpetak nga aggapu diay pagobraak ket ipapilitna latta nga agkabkabaliokami ket siak ti pagbalinenna a kabalyo! Uray no rabrabii no makalagip pagkabalyoannak. Magustuanna pay ket a baot-baoten toy patongko no kasta a nakasakay.

Iti naminsan a rabii, nalagipko met a siak ti agkabalyo! Panpanurnorekon ti katengngaan ti dalan nga agturong iti maysa a paraiso! Nakaan-annayas ti taray ti kabaliok. No biglaek a yagyagan pasaray makigtot ket agbuatit ngem napintas latta ti tarayna. Idi kuan nakapuot ni Junior. "Papa bayo-bayo man. Sakay-bayo!" Napan a sigud iti likudko. Ti ammona talaga nga agay-ayamak nga ti kabkabalio. Wen madama a talaga ti panagkabalyok!

"Sige bilis bayo bilis bayo-bayo!"

Idi diak maigawiden, bigla a nagsikkil dagiti sakak. Saan ngarud a napintas ti pannakagkumpas ti ritmo ti biahek ken ti biahe ni Juniorko. Diak napakpakadaan, natnag ni junior! ‘PAK. BLAGGG!’ Rungaab a dagus. Ikkis a kasta unay! Nabuak ni katugangak!

"Ana't kinua ta apokokon! Kitaenyo met a nasayaat a!"

Kunam pay nagtaray a dagus ni katugangak deretso ditoy kuarto. Pinasgedna a dagus ti silaw! Timmakderak met a dagus a sitatakder pay toy maysa a juniorko. Kasta unay ti panangitudo toy maysa a juniorko ken katugangak! Anian a bainko! Apaunayen! Marunawak ti bain nupay saan a mabain daytoy maysa a juniorko ta kasta met unay ti rungsotna! Kasla ibagbagana kenni katugangak, “Pumanawka man pay la ditoy! Biangot a baket! Isturbo! Puor ti kararuak!”

Manipud idin diakon kinayat pay ti naturog iti bwisit a kuarto ni katugangak! Nabayag ngarud a dikam napan diay balay da katugangak. Kasta unay kano ti lidayna. Mail-iliw kano unayen kadakami. Ti pay dakesna, limmalo kano tay kuradna!

Inspirasyonmo Dagiti Naglabas (Daniw: by Alex Barut)

2011-06-27T14:38:00.000-07:00

Adun ti nagpasaram a klase ni ayat

Adda dagitay naragsak

Ngem kas man la ad-adu tay naliday

Ngem saanka a simmuko

No di ketdi inbilangmo dagitoy a karit

Pinagbalinmo ida nga inspirasyonmo.

Ta tunggal saning-i a sumngaw

Kadagita marmarbibi a bibigmo

Kaibatoganna ti maysa a rimat

A mangsilnag

Desdes nga agturong

Iti tuktok ti bantay

Tapno matannawagam

Ti kaadalman

A puseg ti kabakiran

A nangitanemam

Dagidi naragsak a kalman

Isu nga ita kayatmo

A kalien dagitoy

Ta isudan ti naisangsangayan

A gamengmo

Tapno iti kasta

Maputar ken malagam

A naannayas

Dagiti nasudi

Ken natinggaw a balikas

Ket ita maysakan a pagtamdan

Naan-anay, napnoan talugading

A mannaniw!

Siram (Daniw: by Jo Vitales)

2011-06-26T16:59:00.001-07:00

Gumilgil-ayab manen

Bimmalitok nga apoy

Agay-ayam a mangsiram

Ungto dita sadyam

Inna man salasalaan

Tapno isibbam dayta sagut

Rayray a makapurar kadagita matam

Mangallilaw dita kinapungayna

Mangmurmuray ti kinaliday

Iti agdungdungsan a sardam

Dita umap-apoy a buya

Nabara nga awis; essem

Agkayamakam nga agkarayam

Dagita naalikuteg a ramramay

Umaynan uramen dayta gimmarami

Bagi a nasarangsang; dumam-eg

A mulmulan iti apoy nga agay-ayam

Madepdep 'ta darangna iti apag-apaman

When You Say You Love Me - Vhen Bautista

2011-06-26T07:24:00.000-07:00

Naidasay ti Namnama (Daniw: by Alex Barut)

2011-06-24T16:49:00.000-07:00

Kawaw, kalangakang, agtatapaw

Dagidi nasged nga arapaap

Nagbalin amin a tagtagainep

Naidasay ni namnama.

Sika ti aminko

Ti arapaapko

Ti rasonko nga agbiag

Ngem sadinno ti ayanmo?

Naatap ti ridep

Nagpanes ti sardam

Makatitileng dagiti saning-i

Iti salemsem ti agpatnag

Agsagubanit ti agsapa.

Tumangkayag ti init
Ngem diak marikna ti bara
Ta sika ti bara a mamagtaray
Matmaturog a dara
Nalidem latta ti aldaw
Ti agmalem agsagaba manen
Iti saem punial ni dawel.

Insangpet ti Angin (Daniw: by Jo Vitales)

2011-06-24T16:43:00.001-07:00

Kas man inyar-arasaas ti angin

Bayat pinangdalaposna 'toy pingping

A nangamoy ditoy arinkuloten

Atiddog a buok ket sika iti talyawek

Wen, naimatangak dayta anniniwan

Iti malikudan iti kabus a bulan

Induronnaka nga umay ditoy sidong

Inpal-it ipos ti allawig a dimmanon

Dimmagaska iti kanito a panagmaymaysak

Agep ti nalamiis nga angin iti nariknak

Naidennes ditoy bimmangkay a bibig

Nga intabon iti kinaliday ket nagungarak

Indiayam dagita imam ket binataknak

Iti apros a nangbibineg nangted pigsa

I'toy marmarpuog a barukong addan ragsak

A sinangpetan maililiwan a kaayan-ayat

Dance With My Father Live Vhen Bautista

2011-06-24T12:24:00.000-07:00

Sebsebannak (by: Jo Vitales)

2011-06-23T23:22:00.000-07:00

Situtodyo ti duduogan a bulan

Nakakidem a mangar-arikap

Pakabuklan iti umas-asideg

Lamo-lamo nasidap a sardam

Sumabat dagiti umarakiyak

Tumanektek a saltek iti taleb

Manglukip iti nakaarpaw nga ules

Mangipabuya iti kinalibnosna

Ti dagaangen a pammagik

Maisirsiram rimat iti bitbituen

Paaklolo kenka a sebsebam

Ket sibogam kadagita agek

Alipunosem iti ar-areng-eng

Agtunglab iti agsasagannad

Nga as-asog a mangparmek

Dita umap-apoy a gagar ni ayat..

Diak Naikari a Para Kenka (by: Alex Barut)

2011-06-22T10:18:00.001-07:00

Ubbing ta pay

Ngem nabukelen

Ditoy pusok

Naidumdumaka.

Iti naminsan kinunak

Nga ay-ayatenka

Ngem immisemka

Timmarengtengka.

Naminsan manen

Nagsarakta

Kinunak manen

Nga ay-ayatenka.

Ti sungbatmo:

“Ladingitek

Sumapulka’t sabali

A mangay-ayat met kenka.”

Iti apagkanito

Nagsina dagiti dalanta

Nagsagabaak liday

Ta dikan makita.

Iti sekundarya

Nagtumpong manen

Dagiti dalanta

Timmingra toy rikna.

Linaglagipta

Di kinaubingta

Adu nga isem

Adu a katawa.

Iti di mabayag

Nagsabat riknata

Ayan-ayatta

Sinangalta.

Iti kolehiyo nagsina manen

Dagiti dalanta

Inayatka latta

Ngem nagduduaka.

Kinunam: “Ladingitek

Sumapulkan ‘ti sabali

A mangipateg

Mangay-ayat kenka.”

Binukodak ti liday

Nagsagabaak

Naganusak

Intalimengka ditoy pusok.

Kalpasan ti kolehiyo

Nagtumpong manen

Dagiti dalanta

Nagkatrabahoanta.

Nagsabat manen

Nagsina a riknata

Di ayat a napukaw

Naisublida, rimmangpaya.

Tapno saanen

Nga agsina pay

Dagiti dalanta

Natinong ti kallaysa.

Naglantip dagiti bibig

Puso ken kararuata

Di mailadawan

Naidumduma a ragsak.

Kalpasan ti kallaysa

Ti hotel tinurongta

Puraw a kotse

Ti naglugananta.

Diak mailadawan ti riknak

Kasta met kenka

Naginnadayo

Dagiti imatangta.

Nagulimekak

Nagulimekka

Iti apagapaman

Naburak dayta.

Kas kapardas

Iti kimat

Ti naglugananta

Nadesgrasya.

Minatmatanka

Ta bagim

Linapunos

Bukodmo a dara.

Iti saggaysa a balikas, kinunam:

“Sumapulkan to ti sabali

Diak nairanta

A para kenka.”

Iti Maudi a Gundaway (by: Alex Barut)

2011-06-22T10:16:00.001-07:00

Inkarik kenka a dikanto pagsangiten,

Pagsangiten nga uray iti maminsan laeng

Ammok ti saemna, naut-ot,

Naut-ot a kas naipalok a punial

Ngem ikkannak man pay iti gundaway,

Gundaway a mangpunas napait a luluam.

Ngem no talaga nga awanen,

Awanen ti kaimudingak pay

Sakbay nga innak agpakada

Agpakada a maminpinsan

Dawatko nga iti maminsan,

Maminsan laeng a gundaway

Agkak dagita bibigmo,

Bibigmo nga ingget sam-it

Ta napia la a pakalaglagipak,

Pakalaglagipak pudno nga innak inay-ayat.

EARN EXTRA INCOME FROM YOUR WEBSITE

2011-06-17T19:00:00.000-07:00

Here is the address: http://bux2get.com/_964ed8a9.htm

Try to see how fast you can make money in matter of minutes....

ALEXANDER R. BARUT, PhD

Alusiisen ti Rabii (by: Alex Barut)

2011-06-10T22:14:00.001-07:00

Ti lawag in-inut

nga agpakada ket alun-onen

ti sipnget, tumingtinggaw

lanitek ti di mabannog a pagorasan.

Agkarayam ti lamiis

ket sumgar ti rikna

naulimek ita ti katre

malaglagipka.

Ti naulit-ulit a panagranitrit

panagallo-allon ti ules

dumgesda latta ita a rabii

alusiisenak.

Ar-arapaapek dagiti areng-eng

ken agkakamakam nga anangsab

masapa ita a maturog ti rabii

ket iti maminsan manen

danggayanta dagiti ranitrit.

Kasla Sonata iti Piano (by: Alex Barut)

2011-06-10T22:11:00.000-07:00

Inliyadko ti bagik

Iti nalukneng ken nalamuyot a sofa

Tapno ipamaysak a denggen

Panagtokamo iti piano

Nalamuyot, nasam-it a denggen

Kas nalamuyot a dapadap

Iti tunggal kuerdas toy pakabuklak

Tunggal nota kasla apros ditoy bagik

Mariknak ti panagkarayam ti lamiis

Ta sonatam iyagusnak

Iti yuyeng ni Paraiso.

Ti apros dagita nalamuyot a dakulapmo

Mariknak iti tunggal patit mo iti kuerdas.

Ta ayugmo ket isu ti bagim

Matmatak dagita matam

Ket mailadawak ti kaririknam

Awan sumngaw a balikas

Ngem dagiti lapayagko

Matitilengda iti ragsak.

Ta ritmo ti panagtokarmo

Kaarigna ti agdanggay

Agallo-allon a bagita

No napaspas ti kumpas

Pumigpigsa ti anangsab

No nain-inayad

Kasla mauram ti pakabuklak

Toy kararuak isu ti kantam

Toy bagik isu ti pianom

Apros dagita dakulapmo

Iyegda’t agnanayon a pannakaadipenko

Tunggal kanito nga ipatayabmo

Makapaseggar, makabibineg a sonata

Toy nalailo a piano!

Published at Bannawag
July 4, 2011

Ritmo ti Ranitrit (by: Alex Barut)

2011-04-27T17:14:00.000-07:00

No dumteng naulimek a panawen

Kasla maal-alingagko dagidi in-inut,

Pumigpigsa, umas-asideg nga arimpadek

Isuda't mangiparangarang isasangbay manen

Nalimed nga aramid nga inta inulit-ulit.

Di nanumo a kalapaw iti sakaanan ti turod

Ken pungto ti kapagayan

Isu't nagserbi a paraiso ta

Tunggal dumteng ti panawen

A di magawidan ti pannakaadipen

Nabileg unay a rugso.

Ti palayupoy ti angin nalamiis

Ngem di makaanay a mangsebseb

Bara’t bagita nga agrinrinnisiris

Dagiti alutiit mabainda, aglingedda

Dagiti kundidit ti ikkisda pumigpigsa

Dagiti billit-tuleng agintutulengda

Ta dida kayat a mangeg

Makatitileng a ritmo ti ranitrit.

Kasano a Lipatenka (by:Alex Barut)

2011-04-26T19:13:00.001-07:00

Words

2011-04-26T19:13:00.000-07:00

Sige Manso - Agexercise tayon!

2011-04-26T19:12:00.000-07:00

Arak (Kasano ti Manglipat) by Alex Barut

2011-04-26T19:11:00.001-07:00

Sabong ti Hawaii (Alexander Barut)

2011-04-26T19:11:00.000-07:00

Laglagipem awan ti nagkurangak

2010-11-26T12:09:00.000-08:00

If tomorrow never comes

2010-11-26T12:08:00.000-08:00

Maling.akala

2010-11-26T11:24:00.000-08:00

PATTERNS AND CONSEQUENCES OF MIGRATION IN SELECTED RURAL BARANGAYS OF ILOCOS NORTE

2007-06-02T18:26:00.000-07:00

(A paper presented during the 2nd Nakem International Conference held at Teatro Ilocandia, MMSU-Batac, Ilocos Norte on May 22-25, 2007)

This study was conducted to determine the patterns and consequences of migration in the upland and lowland communities of Isic-Isic, Vintar and San Lorenzo, San Nicolas, Ilocos Norte, respectively. To realize the objectives of the study, descriptive research was used employing quantitative and qualitative data in the analysis.

The result of the study shows that there were more out-migrants than in- and return-migrants in both communities. Most of the migrants in both communities were young females who were either single or married. The migrants in Isic-Isic have lower level of educational attainment while the migrants in San Lorenzo had higher levels of educational attainments.

The migrants in both communities largely came from medium-sized families. However, the rate of migration with respect to the total population of each size was highest among large-sized households. It was likewise observed that the migrants were employed in menial work or were housekeepers before they migrated.

Majority of the migrants in both communities went abroad. In Isic-Isic, however, most out-migrants were OCWs while in San Lorenzo, the out-migrants were petitio[1]ned by relatives to emigrate in the United States or other European countries. Most of those who migrated to the cities/poblacions were students or blue-collar workers.

It was found out that the reasons for migration were economic and familial. Economically, the migrants were pushed to leave their communities to look for work or to have better paying jobs. Other reasons for migration were to study or marry. Further interviews also revealed that peace and order (insurgency) also contributed to the out-migration in Isic-Isic.

The chi-square test of independence revealed the following results: (1) age and sex are significantly associated with the choice of destination; (2) gender and educational attainment are not associated with the choice of destination; (3) primary reason for migration is not associated with gender, marital status and educational attainment; (4) age and primary reason for migration are associated with each other; (5) primary reason for migration is independent of household size and pre-migration occupation; (6) choice of destination is dependent on primary reason for migration; and (7) Choice of destination is dependent on pre-migration occupation.

Generally, migration provided better income for the out-migrants themselves, however, it resulted to physical strain and psychological turmoil. Among the emigrants in San Lorenzo, their migration was more psychologically straining. They were separated from the community that nurtured them for most parts of their lives and they had to adjust to another culture.

Indeed, migration increased the economic capability of the migrants' family. Their families became more economically well-off as shown by their new houses and other material accumulations. Many of the migrants' family members also indicated that they became more hardworking. But this created attitude of dependence on the out-migrants by some family members left behind. The relationship of migrant-parents and their children and husbands also became strained creating psychological or emotional stress to both.

The study also showed that the migrants were considered good sources of donations for community projects. But, it is unfortunate to note that most of those interviewed in the research communities did not point to the brain drain consequence of the migration phenomenon. Majority even said there were no negative consequences of out-migration in their communities.

The following conclusions were formulated based on the results of the investigation:

1. There are similarities on the characteristics of the migrants in Isic-Isic and San Lorenzo. Hence, it can be concluded that the image or demographic characteristics of migration phenomenon are similar for both upland and lowland rural communities, especially in Ilocos Norte.

2. The structural problem in the upland and lowland communities, which limits economic opportunities to community members, becomes a push factor for out-migration. This also explains the low turnout of return-migrants in both communities. On the other hand, the persisting patrilocal culture -- family resides on the place or home of the male -- in both communities is the major reason for in-migration.

3. The migration phenomenon has both negative and positive con-sequences. Migration, especially to the out-migrants, is economically and materially rewarding but psychologically and emotionally stressing to the migrants themselves and their relatives. The community tends to be only aware of the material benefits derived from the migration of their members, not of the negative effects.

4. Finally, it is concluded that out-migration is a natural reaction of people to the challenges or stress generated by lack of economic opportunities. The volume of migration, therefore, can be a parameter of the economic status of a community -- that is, the out-migration phenomenon is an indicator of an unfavorable condition of life in a community.

Kasano a Naasawak ni Baketko!!!???

2007-06-02T17:11:00.000-07:00

Iti edadko itan a 70, kanayonko pay laeng a malaglagip dagidi kasta unay a linalaglag nga aramidko idi agar-aremak pay la ken baketko. Adda ngata aminen kaniak ti kinasutil. Daytoy met ti makaigapu ti namin-adu a nakaibabainak. Ayna ta kasla diak mamati a naasawak ni baketko ita!

Sangapulo ngatan ti tawenko idi ta mangrugin ti kinapilyok. Iti nailet a baetan nga awan pulos ti pagnaan dagiti ubbing a mapan idiay eskuwela isu ti gustok a pangur-urayan kadakuada. Lalaki man wenno babai, awan ti makalasat no diak apirasen ti mabagbagida. Addanto agik-ikkis, addanto met tay kasta unay ti rurodna, adda met tay manggandat a tumaray ngem awan a pulos ti makalibas. Diak ammo ta magustuak la unay ti mangsutsutil kadakuada. Daytoy met ti makaigapu ti pangmalmaloan daydi tatangko kaniak. Ngem talagan sa a natangken ti ulok ta uray mamalmaloak ket aramidek to manen ti madi nga inaramidko.

No dadduma, mangalaak iti samrid nga igges ket isu ti pangbutbutengko kadakuada. Adda pay tay agurgurigor ti butengna. Didak ngamin magawayan ta siak ti kapigsaanmi nga ubbing idi.

Naidakdakkelko dayta a kinasutilko. Idi damok ti maisagpat nga SK (YCAP kunada idi) ket nasutilak latta. Adda naminsan a panag-YCAP mi (napankam nagani a sanga bunggoy) ket idi ta madanon ti panagmeryenda, intugawko a nakakayang idiay sango ti sanga palanggana a suman a meryendaenmi. Inrantak daytoy ta kayatko a siak ti agiyawat iti tunggal mangan iti sangka-ilgat a suman, nangnangruna kadagiti medyo ub-ubbing met a padak. Medyo aprosak ngamin ti imada no mangalada ti kanenda. Tunggal adda umay mangala iti kanenna agkatkatawa. “Ne apay ngata nga agkatkatawada,” nakunkunak. No dagitay babbai, agikkis da pay! Nagbalawak. Kitaek iti sangoanak ket butbot met gayam toy inabel a sapinko! Ayna ket agrungrungarong met gayamen! Saan pay ngamin nga uso ti brief idi. Numona ket saan pay a natagbat diay lalatna! Nakamisuot pay laeng! Ayna apo ta kasta unay a bainko iti dayta a napasamak! Gapu iti daytoy, diakon napnapan pay kadagiti simmaruno a pang-YCAP mi agingga a diak natuli ta kanayondak met ngaminen nga awagan ti kakok! (Kakok ket maysa a klase ti tumaytaytayab a no aguni ket kasla “Tsupot! Tsupot! Tsupot!” kunana).

Sangapulo ket innem ti tawenkon idi ta mangrugiak metten nga agarem iti balasang. Ngem uray kasano ti kinasutilko ket kasta met ti kinamemmemko no balasang ti pagsasaritaan. Mabutengak a mangipudno ti ayatko iti maysa a balasang! Torpeak ti katotorpean!

Ni Lucring ti immuna ken maudi a nakursunadaak. Kanayonak a mapan lumablabas iti minalem idiay balayda. Sumrekak koma ta innak pasyaren ngem mabainak. Iti naminsan a sumipnget, kuntodo arwat ti namayak ta kinunak iti bagik a pasyarek ni Lucring ket ibagak iti sangon-sango ti pudno a kaririknak. Nagsisiimak pay laeng sakbay koma a sumrekak iti balayda. Nagpaigidak iti asideg ti bansagda. Kunam pay, bigla a napan ni Lucring iti bansag ket igge-iggemna tay bote ti gin nga adda pabelo na ta isu idi ti uso a pagsilaw. Sabali met ti napanunotkon. “Sukitek la ketdi babaen iti tammudok!” Nakunkunak. Insaganak ngarud ti imak iti baet dagiti basar ti kawayan a bansagda. Iti panangyasidegko ti imak, nagranitrit ti kawayan a napaddakanna ket naipit ti imak. Agikkisak koma idi ta nakasaksakit ngem mabukingak nukuan isu a diak lattan nagtagtagari. Amano met a nagarubos ti isbuna ket sinurotna ti imak agingga iti kilikilik! Apaunay ket nga angsegnan!

Kabigatanna, limtegen ti tammudok. Kuna ni tatang nga isbuak kano ta isu ti agasna. Ngem nabirbnirtud kano no isbu ti babai! Kunam pay sabali man ti napanunotkon. Inabangak manen ni Lucring iti bansagda iti sumaruno a sumipnget. Awan pay ngata lima a minutos, addaytan ni Lucring. Umayen umisbo. Insaganak ngarud ti tammudok tapno maagasan daras. Ngem sakbay nga agtugaw ni Lucring, bigla a rimmuar tay asoda a kaan-anak. Kinirabna ti patongko. Nabriat a naminpinsan ti pantalonko. Numona ket isu pay met ngarud tay kababaroan a pantalonko. Dakkel pay ti sugat toy patongko ta kasta unay ti panangiweswes tay asoda!

“Ana ngamin obram dita sirok ti bansag?” Kinuna ni tatang ni Lucring a di mo maawatan no makapungtot wenno makakatkatawa ta napigsa ti bosesna ngem nakaisem met.

“A-awan, tata. Nanglintegak lang ngamin ti pagnaak. Sige, agawidakon.”

“Agurayka, barok ta sumaenta dayta kinagat ti aso.” Kinuna ni tatang ni Lucring. Mannuma ngamin isuna.

“Saanen, tata. Kababain met.”

“Ana a kababain. Umayka ketdin ket baka ririennakto ni amam no diak agasan.”

Kunam pay, pinagpaklebnak iti kawayan a kama sana medyo inbaba ti pantalonko. Kasta unay ti ayek-ek ni Lucring. Ammok lattan a daytoy nangisit a patongko ti ay-ayekekan na. Ayna kasta unay a bainko.

Nabayag a diak napnapan inda Lucring ta mabainak unay iti napasamak. No masabatko ni Lucring, iyadayok ti panagkitak ta kanayon a bangbangir ti isemna no kasta nga agsabat kami.

Lima ngatan a bulan ti napalabas. Diak latta mailiwliwag ti ayatko ken Lucring. Tunggal rabii a malaglagipko isuna. Malaglagipko pay diay nakitak iti kawayan a bansagda. Ayna ket sabsabali ti ob-obraek no kasta nga agmaymaysaak.

Inkeddengko iti bagik nga ipudnokon ti panagayatko ken Lucring. Napanak nagpasyar balayda iti maysa a rabii. Pinastreknak met. Adu nga istorya. Malaglagipna di napasamak idi kaniak ket ad-adda metten a diak mairugi ti kayatko nga ibaga kenkuana. Kunkunana pay ketdi a no kano armen diay kaarrubami a naguapo ket sungbatan na kano. Dina kano kayat tay napugot ken leppap ti agongna! Dina met ketdi inderetso a dinak kayat. Ngem kasla siak ti puntirya dagiti balikasna. Kunam pay awanen a pulos ti naibagak.

Nabayag manen a diak napnapan nagpasyar idiay balayda Lucring. Ammo ni tatang a kursonadak unay ni Lucring ket ibagbagana nga innak kano pasyaren amangan no itaray tay guapo a karrubami. Mapmapan kano ngamin agpaspasyar kenkuana.

Inyinumak ngarud iti dua taog a basi sakbay a napanak nagpasyar iti sumaruno a rabii. Kunam pay, apagdanonko, inbagakon nga ay-ayatek ket kayatko nga isu ti agbalin nga ina dagiti annakkonto! Kas ket la naltotan iti nangegnan!

“Awan pulos ti sumgar a dutdotko kenka! Adda pay ketdin nobyok, isu a dikanton umay agpaspasyar pay ditoy!”

Kaslaak la nadigos a piyek iti nangegko. Nagar-arudokakon a nagawid.

Makatawenen ti napalabas ngem diak latta nailiwliwag ni Lucring. Uray kanayonnak a bastosen ket ay-ayatek latta. Gapu ta agasideg laeng ti balaymi, mamin-adu a sisiimek ni Lucring. Ngem diakon makitkita pay no mapan umisbo ta nabalbaliwanen diay bansagda. Addan banyoda ngem awan pay ti atepna.

Gapu ta adda dakkel a kaimito iti ngatoen ti banyoda, immuliak ta kayatko a siripen ni Lucring no agdigos. Ayna apo ta nagpintas ket ti pammaginan. Makagkagatko pay ket ti dilak no kasta a makitkitak. Masansan dayta nga ar-araidek.

Naminsan manen a bigat a napan nagdigos ni Lucring, dinarasko met ti immuli iti kaimito. Ayna ta nakapinpintas a talaga ni Lucring. Nakalinlinis ti kudilna. Gapu iti dayta, diak met nagawidan ti riknakon. Sinolokon iti rawis ti kaimito. Iti di mabayag, bigla lattan a narpak ti kaimito. Naipisokak iti banyo a nakababa ti sapinko ken nakatangad ni Juniorko! Kasta unay nga ikkis ni Lucring. Ket daytan immayen ni tatang na a nakaiggem iti balladaw a buneng.

“Ana ti ar-aramidem iti anakko. Nagawan ket a bainmon? Mangreypka a bigbigat! No dimo itakder ta dayaw ta anakko, dikan makaawid a sibibiag!” Kinuna ni tatang ni Lucring.

Diak nakauni ket nagtungtung-edak lattan. Kasta met unay a riri ni Lucring ngem inpapailit ni tatang na nga agkasarkami iti kabiitan a panawen. Apaunay ket ti buenaskon iti daytoy a napasamak. Ana pay no di nagkasarkamin ngem nabayag a di insuko ni Lucring ti banderana kaniak. Nupay kasta naurayko met laeng ket ne piton ti annakmi. Ita medyo likudakon ti langit ngem nalailo pay la ti maysa ken maysa kadakami ken Lucring!